|
|
פרשיה פתוחה באמצע פסוק |
|
|
ויהי בשכן ישראל בארץ ההוא וילך ראובן וישכב את בלהה פילגש אביו וישמע ישראל {פ} ויהיו בני יעקב שנים עשר |
בראשית לה כב |
|
|
ויהי אחרי המגפה {פ} ויאמר יהוה אל משה ואל אלעזר בן אהרן הכהן לאמר |
במדבר כו א |
|
|
|
פרשיה סגורה באמצע פסוק |
|
|
לא תרצח {ס} לא תנאף {ס} לא תגנב {ס} לא תענה ברעך עד שקר |
שמות כ יב |
|
|
לא תחמד בית רעך {ס} לא תחמד אשת רעך ועבדו ואמתו ושורו וחמרו וכל אשר לרעך |
שמות כ יג |
|
|
לא תרצח {ס} ולא תנאף {ס} ולא תגנב {ס} ולא תענה ברעך עד שוא |
דברים ה טז |
|
|
ולא תחמד אשת רעך {ס} לא תתאוה בית רעך שדהו ועבדו ואמתו שורו וחמרו וכל אשר לרעך |
דברים ה יז |
|
|
ונעבר מאת אחינו בני עשו הישבים בשעיר מדרך הערבה מאילת ומעצין גבר {ס} ונפן ונעבר דרך מדבר מואב |
דברים ב ח |
|
|
|
שירת הים |
|
| אז ישיר משה ובני ישראל את השירה הזאת ליהוה ויאמרו לאמר {ס} אשירה ליהוה כי גאה גאה {ס} סוס ורכבו רמה בים | שמות טו א | |
| עזי וזמרת יה ויהי לי לישועה {ס} זה אלי ואנוהו {ס} אלהי אבי וארממנהו | שמות טו ב | |
| יהוה איש מלחמה יהוה שמו | שמות טו ג | |
| מרכבת פרעה וחילו ירה בים {ס} ומבחר שלשיו טבעו בים סוף | שמות טו ד | |
| תהמת יכסימו ירדו במצולת כמו אבן | שמות טו ה | |
| ימינך יהוה נאדרי בכח {ס} ימינך יהוה תרעץ אויב | שמות טו ו | |
| וברב גאונך תהרס קמיך {ס} תשלח חרנך יאכלמו כקש | שמות טו ז | |
| וברוח אפיך נערמו מים {ס} נצבו כמו נד נזלים {ס} קפאו תהמת בלב ים | שמות טו ח | |
| אמר אויב ארדף אשיג {ס} אחלק שלל תמלאמו נפשי {ס} אריק חרבי תורישמו ידי | שמות טו ט | |
| נשפת ברוחך כסמו ים {ס} צללו כעופרת במים אדירים | שמות טו י | |
| מי כמכה באלם יהוה {ס} מי כמכה נאדר בקדש {ס} נורא תהלת עשה פלא | שמות טו יא | |
| נטית ימינך תבלעמו ארץ | שמות טו יב | |
| נחית בחסדך עם זו גאלת {ס} נהלת בעזך אל נוה קדשך | שמות טו יג | |
| שמעו עמים ירגזון {ס} חיל אחז ישבי פלשת | שמות טו יד | |
| אז נבהלו אלופי אדום {ס} אילי מואב יאחזמו רעד {ס} נמגו כל ישבי כנען | שמות טו טו | |
| תפל עליהם אימתה ופחד {ס} בגדל זרועך ידמו כאבן {ס} עד יעבר עמך יהוה {ס} עד יעבר עם זו קנית | שמות טו טז | |
| תבאמו ותטעמו בהר נחלתך {ס} מכון לשבתך פעלת יהוה {ס} מקדש אדני כוננו ידיך | שמות טו יז | |
| יהוה ימלך לעלם ועד | שמות טו יח | |
| כי בא סוס פרעה ברכבו ובפרשיו בים {ס} וישב יהוה עלהם את מי הים {ס} ובני ישראל הלכו ביבשה בתוך הים | שמות טו יט | |
|
|
שירת האזינו |
|
| האזינו השמים ואדברה {ס} ותשמע הארץ אמרי פי | דברים לב א | |
| יערף כמטר לקחי {ס} תזל כטל אמרתי כשעירם עלי דשא {ס} וכרביבים עלי עשב | דברים לב ב | |
| כי שם יהוה אקרא {ס} הבו גדל לאלהינו | דברים לב ג | |
| הצור תמים פעלו {ס} כי כל דרכיו משפט אל אמונה ואין עול {ס} צדיק וישר הוא | דברים לב ד | |
| שחת לו לא בניו מומם {ס} דור עקש ופתלתל | דברים לב ה | |
| ה ליהוה תגמלו זאת {ס} עם נבל ולא חכם הלוא הוא אביך קנך {ס} הוא עשך ויכננך | דברים לב ו | |
| זכר ימות עולם {ס} בינו שנות דר ודר שאל אביך ויגדך {ס} זקניך ויאמרו לך | דברים לב ז | |
| בהנחל עליון גוים {ס} בהפרידו בני אדם יצב גבלת עמים {ס} למספר בני ישראל | דברים לב ח | |
| כי חלק יהוה עמו {ס} יעקב חבל נחלתו | דברים לב ט | |
| ימצאהו בארץ מדבר {ס} ובתהו ילל ישמן יסבבנהו יבוננהו {ס} יצרנהו כאישון עינו | דברים לב י | |
| כנשר יעיר קנו {ס} על גוזליו ירחף יפרש כנפיו יקחהו {ס} ישאהו על אברתו | דברים לב יא | |
| יהוה בדד ינחנו {ס} ואין עמו אל נכר | דברים לב יב | |
| ירכבהו על במותי ארץ {ס} ויאכל תנובת שדי וינקהו דבש מסלע {ס} ושמן מחלמיש צור | דברים לב יג | |
| חמאת בקר וחלב צאן {ס} עם חלב כרים ואילים בני בשן ועתודים {ס} עם חלב כליות חטה ודם ענב תשתה חמר | דברים לב יד | |
| וישמן ישרון ויבעט שמנת עבית כשית {ס} ויטש אלוה עשהו וינבל צור ישעתו | דברים לב טו | |
| יקנאהו בזרים בתועבת יכעיסהו | דברים לב טז | |
| יזבחו לשדים לא אלה אלהים לא ידעום {ס} חדשים מקרב באו לא שערום אבתיכם | דברים לב יז | |
| צור ילדך תשי ותשכח אל מחללך | דברים לב יח | |
| וירא יהוה וינאץ מכעס בניו ובנתיו | דברים לב יט | |
| ויאמר אסתירה פני מהם אראה מה אחריתם {ס} כי דור תהפכת המה בנים לא אמן בם | דברים לב כ | |
| הם קנאוני בלא אל כעסוני בהבליהם {ס} ואני אקניאם בלא עם בגוי נבל אכעיסם | דברים לב כא | |
| כי אש קדחה באפי ותיקד עד שאול תחתית {ס} ותאכל ארץ ויבלה ותלהט מוסדי הרים | דברים לב כב | |
| אספה עלימו רעות חצי אכלה בם | דברים לב כג | |
| מזי רעב ולחמי רשף וקטב מרירי {ס} ושן בהמת אשלח בם עם חמת זחלי עפר | דברים לב כד | |
| מחוץ תשכל חרב ומחדרים אימה {ס} גם בחור גם בתולה יונק עם איש שיבה | דברים לב כה | |
| אמרתי אפאיהם אשביתה מאנוש זכרם | דברים לב כו | |
| לולי כעס אויב אגור פן ינכרו צרימו {ס} פן יאמרו ידנו רמה ולא יהוה פעל כל זאת | דברים לב כז | |
| כי גוי אבד עצות המה ואין בהם תבונה | דברים לב כח | |
| לו חכמו ישכילו זאת יבינו לאחריתם | דברים לב כט | |
| איכה ירדף אחד אלף ושנים יניסו רבבה {ס} אם לא כי צורם מכרם ויהוה הסגירם | דברים לב ל | |
| כי לא כצורנו צורם ואיבינו פלילים | דברים לב לא | |
| כי מגפן סדם גפנם ומשדמת עמרה {ס} ענבמו ענבי רוש אשכלת מררת למו | דברים לב לב | |
| חמת תנינם יינם וראש פתנים אכזר | דברים לב לג | |
| הלא הוא כמס עמדי חתום באוצרתי | דברים לב לד | |
| לי נקם ושלם לעת תמוט רגלם {ס} כי קרוב יום אידם וחש עתדת למו | דברים לב לה | |
| כי ידין יהוה עמו ועל עבדיו יתנחם {ס} כי יראה כי אזלת יד ואפס עצור ועזוב | דברים לב לו | |
| ואמר אי אלהימו צור חסיו בו | דברים לב לז | |
| אשר חלב זבחימו יאכלו ישתו יין נסיכם {ס} יקומו ויעזרכם יהי עליכם סתרה | דברים לב לח | |
| ראו עתה כי אני אני הוא ואין אלהים עמדי {ס} אני אמית ואחיה מחצתי ואני ארפא {ס} ואין מידי מציל | דברים לב לט | |
| כי אשא אל שמים ידי {ס} ואמרתי חי אנכי לעלם | דברים לב מ | |
| אם שנותי ברק חרבי {ס} ותאחז במשפט ידי אשיב נקם לצרי {ס} ולמשנאי אשלם | דברים לב מא | |
| אשכיר חצי מדם {ס} וחרבי תאכל בשר מדם חלל ושביה {ס} מראש פרעות אויב | דברים לב מב | |
| הרנינו גוים עמו {ס} כי דם עבדיו יקום ונקם ישיב לצריו {ס} וכפר אדמתו עמו | דברים לב מג | |
|